Ёшлар билан учрашувлар давом этмоқда

Бухоро вилоят маъмурий суди судья ва ходимларининг ёшлар билан навбатдаги учрашуви Бухоро шаҳридаги “Янгибод” маҳалласида бўлиб ўтди.
Учрашувда Ўзбекистон Республикасининг янги таҳрирдаги Конституциясининг мазмун-моҳияти, суд-ҳуқуқ соҳасидаги ислоҳотлар ва бошқа масалалар ҳақида ёшларга тушунтиришлар берилди.
Ушбу учрашувда маҳалла ёшларининг ҳуқуқ соҳасидаги муаммолари, таклифлари билан ўртоқлашилди ва уларнинг суд-ҳуқуқ соҳасига оид қизиқтирган саволларига судья ва ходимлар томонидан тегишли жавоблар берилди.

Б.Садуллаев.
Вилоят маъмурий суди судьяси.
Д.Абдуллаев
судья катта ёрдамчиси

“SAHRQ” МЧЖ раҳбари А.Мухамедовнинг “YouTube” ижтимоий тармоғидаги блогер Шухрат Мусаевнинг “ELPARVAR” каналида эфирга берилган “Бухорода янги 5 этажли дом бузилади” номли видеомурожаати юзасидан Бухоро вилоят маъмурий судининг расмий муносабати

Аризачи Атоев Акобир Джалолитдинович судга мурожаат қилиб, жавобгар Когон шаҳар ҳокимининг 2021 йил 27 июлдаги 26-2-208-Q/21-сонли қарорини ҳақиқий эмас деб топишни сўраган.

Бухоро туманлараро маъмурий судининг 2021 йил 16 декабрдаги ҳал қилув қарори билан аризачининг аризасини қаноатлантириш рад  этилган.

Бухоро вилоят маъмурий суди апелляция инстанциясининг  2022 йил 17 февралдаги қарори билан Бухоро туманлараро маъмурий судининг 2021 йил 16 декабрдаги ҳал қилув қарори ўзгаришсиз, аризачи А.Атоевнинг апелляция шикояти қаноатлантирилмасдан қолдирилган.

Ўзбекистон Республикаси Олий суди маъмурий ишлар бўйича судлов ҳайъатининг 2023 йил 18 январдаги қарори билан Бухоро туманлараро маъмурий судининг 2021 йил 16 декабрдаги ҳал қилув қарори ва Бухоро вилоят маъмурий суди апелляция инстанциясининг 2022 йил 17 февралдаги қарори ўзгаришсиз, аризачи А.Атоевнинг кассация шикояти қаноатлантирилмасдан қолдирилган.

Тарафларга юқоридаги суд қарорларига нисбатан шикоят бериш тартиблари тушунтирилган.

Ҳозирда 2024 йилнинг 6 май холатига Бухоро туманлараро маъмурий судининг 2021 йил 16 декабрдаги ҳал қилув қарори, Бухоро вилоят маъмурий суди апелляция инстанциясининг 2022 йил 17 февралдаги қарори ва Ўзбекистон Республикаси Олий суди маъмурий ишлар бўйича судлов ҳайъатининг 2023 йил 18 январдаги қарорлари қонуний кучида эканлиги маълум қилинади.

Бухоро вилоят маъмурий суди матбуот хизмати

Перейти к содержимому